Motivational story in nepali font.. nepali inspirational katha
एकदिन महात्मा गान्धी निवासमा गान्धीलाई भेट्न एक महिला गुलियो बढी खाने आफ्नो बच्चालाई लिएर गइछन् । उनले गान्धीसँग अनुरोध गरिछन्, मेरो बच्चा बढि गुलियो खान्छ । त्यसकारण उसलाई अब गुलियो नखान सम्झाई दिनुस् । गान्धीले ती महिलाको कुरा सुनिसकेपछि भनेछन्, भोली बच्चा लिएर आउनु ।
दोश्रो दिन ती महिला आफ्नो बच्चा लिएर गान्धीकहाँ पुगिन् । गान्धीले बच्चालाई आफ्नो काखमा राख्दै भनेछन् बाबु, गुलियो धेरै खानाले तिम्रा दाँत बिग्रन्छन् र बिरामी हुन्छौं । त्यसैले अबदेखि गुलियो नखानु । गान्धीको कुरा सुनेर बच्चाले टाउको हल्लाएर सहमति जनाएछ ।
त्यसपछि ती महिलाले भनिछन्, महात्मा जी यति कुरा हिजै भनिदिनु भएको भए मैले आज दुःख पाउनु पर्ने नै थिएन नि । जवाफमा गान्धीले भनेछन्, बहिनी हिजोसम्म म पनि गुलियो आफैं खान्थें कसरी बच्चालाई गुलियो नखाउ भनेर भन्न सक्थें । तर, आज त मैले पनि गुलियो खान छाडिदिए र पो उसलाई पनि यसो भन्न सकें त ।
नत्र जुन कुरा मैले आफैंमा लागू गरेको छैन त्यो कुरा अरुलाई लागू गर भनेर कसरी मैले उपदेश दिउँ ? तर, तपाईंलाई भएको दुःखप्रति म क्षमा प्रार्थी छु । गान्धीको कुरा सुनिसकेपछि ती महिला छक्क पर्दै उनलाई धन्यवाद दिएर आफ्नो बच्चा सहित घर फर्किन् ।
Read nepali katha, nepali katha padhnus..